په وينو لړلې ځمکه
وروسته له دې، چې يهودا هغه دېرش سکې د بيت المقدس پر ځمکه وويشتلې، له هغه ځايه ولاړ او ځان يې زندۍ کړ.
لويو امامانو سکې راټولې کړې او ويې ويل: زموږ شريعت اجازه نه راکوي، چې دغه پيسې د بيت المقدس په خزانه کې واچوو، ځکه چې دا سکې د چا د وينې قيمت و.
تر سلا مشورې وروسته يې په دې پيسو د کلال کرونده واخيسته، تر څو د پرديو مړو لپاره يوه هديره شي. نو په دې خاطر تر اوسه هغه کرونده خلک «په وينو لړلې ځمکه» بولي. په دې ډول هغه وړاندوينه رښتيا او پوره شوه، چې د ارميا نبي په ليکنه کې راغلې وه: «هغوی دېرش د سپينو زرو سکې واخيستلې. همدغه قيمت بني اسراييلو د هغه پر سر ټاکلی و. د هغو سکو په بدل کې يې د کلال ځمکه واخيسته. دا ما ته د ﷲ ﷻ حکم و.»