خاين يهودا له خپلې کړنې پښېمانه کېږي
کله چې خاين يهودا خبر شو، چې پر عيسی ﵇ د مرګ حکم صادر شوی دی، نو په خپله کړنه پښېمانه شو او هغه دېرش د سپينو زرو سکې يې بېرته لويو امامانو او قومي مشرانو ته راوړې او ويې ويل: ما ګناه کړې ده. يو بې ګناه کس مې تاسې ته په لاس درکړ او خپل لاس مې د هغه په وينه رنګ کړ.
دوی ورته وويل: په موږ يې څه؟ دا ستا خپل مشکل دی!
د دې په اورېدلو يهودا هغه سکې په بيت المقدس کې پر ځمکه وويشتلې او له هغه ځايه ولاړ.