صفوان د درېيم ځل لپاره د عيسی ﵇ له پېژندګلوۍ څخه انکار کوي
په هغه وخت کې په انګړ کې د لوی امام يو نوکر هم ولاړ و. دا نوکر د هغه خدمتګار خپلوان و، چې صفوان يې غوږ په توره غوټ ځينې پرې کړی و. ده صفوان ته وويل: آيا ته مې د زيتونو په باغ کې له عيسی سره نه وې ليدلی؟
صفوان د درېيم ځل لپاره انکار وکړ، چې په همدې شېبه کې چرګ هم آذان وکړ.
د بني اسراييلو مشرانو عيسی ﵇ دباندې راوست. په دې وخت کې مولا عيسی ﵇ د صفوان خوا ته وکتل. په همدې سره صفوان ته د مولا عيسی ﵇ هغه خبره ورپه ياد شوه، چې ورته فرمايلې يې وه: «سبا سهار به د چرګ له آذانه مخکې ته درې ځله زما له پېژندګلوۍ څخه انکار وکړې.» نو صفوان له حويلۍ څخه ووت او تر سترګو يې د پښېمانۍ ترخې اوښکې راوبهېدې.