عيسی ﵇ د صفوان د درې ځله انکار په اړه وړاندوينه کوي

بيا عيسی ﵇ شمعون صفوان ته وفرمايل: شمعونه، ای شمعونه، شيطان له خدای ﷻ څخه اجازه اخيستې ده، چې تاسې ټول اصحاب داسې وازمويي، لکه څوک چې غنم له غلبېله تېروي. خو ما ستا لپاره دعا کړې ده، چې ايمان دې له منځه ولاړ نه شي. تر دې ازموينو وروسته، چې تا له خپلو خطاوو څخه توبه وايسته، نو د خپلو وروڼو ايمان ورټينګ کړه.

شمعون صفوان وويل: مولا! زه تيار يم، چې له تاسې سره نه يوازې زندان ته، بلکې مرګ ته هم ولاړ شم!

عيسی ﵇ وفرمايل: ای صفوانه، زه تا ته وايم، سبا سهار به د چرګ له آذانه مخکې ته درې ځلې زما له پېژندګلوۍ څخه انکار وکړې.