عيسی ﵇ د سپېڅلي روح په اړه خبرې کوي

عيسی ﵇ وفرمايل: لا ډېرې نورې خبرې شته، چې زه يې تاسې ته کول غواړم، خو اوس ستاسې له وس او زغم څخه لوړې دي. هر کله چې رښتينی روح درباندې نازل شي، ستاسې لارښود به وي او په ټولو رښتياوو به مو خبر کړي. هغه به له ځانه يوه خبره هم ونه کړي، بلکې هغه خبرې به وکړي، چې له خدای ﷻ څخه يې اورېدلي وي. هغه به تاسې ته د راتلونکو پېښو په اړه معلومات درکړي. زما نوم او شان به وځلوي، ځکه تاسې ته به هغه څه بيان کړي چې له ما يې حاصلوي. څه چې زما د پروردګار دي، هغه زما هم دي. نو ځکه ما وويل، چې رښتينی روح به تاسې ته هغه خبرې بيان کړي چې له ما يې حاصلوي.

لږه موده وروسته به مې ونه شئ ليدلای، خو تر هغه لږ وروسته به مې بيا ووينئ.