د يهودا اسخريوطي نمکحرامي او خيانت
د بني اسراييلو د پتيرې ډوډۍ اختر رانږدې و، چې دغه اختر ته د پنا اختر هم ويل کېږي. لوی امامان او د موسوي شريعت عالمان په دې هڅه کې وو، چې څنګه کولای شي عيسی ﵇ ووژني، خو د خلکو له غبرګون څخه وېرېدل. په همدې وخت کې شيطان د يهودا اسخريوطي زړه تر خپل واک لاندې راووست. هغه د بيت المقدس لويو امامانو او د پيره دارانو مشرانو ته ورغی او له دوی سره يې پر دې سلا او مشورې وکړې، چې څرنګه عيسی ﵇ دوی ته په لاس ورکړي. د يهودا په خبرو باندې ديني مشران ډېر خوشحاله شول او ورته ويې ويل چې د دې کار په بدل کې به موږ تا ته سپين زر درکړو.
خاين يهودا ورسره ومنله او له دې وروسته د داسې موقع په لټه کې شو، چې د عيسی ﵇ په شاوخوا کې ډېر خلک نه وي راټول شوي، تر څو د ديني مشرانو په لاس يې ورکړي.