د المسيح ريښتينی مقام
بيا عيسی ﵇ له راغونډو افريسيانو څخه پوښتنه وکړه: ستاسې عقيده د وعده کړل شوي خاص استازي المسيح په باره کې څه ده؟ هغه به د چا له اولادې څخه وي؟
دوی په ځواب کې وويل: د داود ﵇ له اولادې څخه به وي.
عيسی ﵇ وفرمايل: که خبره داسې وي، نو په زبور شريف کې داود ﵇ د ﷲ ﷻ د سپېڅلي روح په الهام سره ولې المسيح خپل مولا بولي؟ داود ﵇ داسې ليکلي دي: «ﷲ تعالی زما مولا ته وفرمايل: زما ښۍ خوا ته کېنه، تر څو دښمنان دې تر پښو لاندې راولم.»
که داود ﵇ المسيح ته «مولا» وايي، نو څنګه ممکنه ده چې هغه دې د داود ﵇ له اولادې څخه وي؟
په حاضرو خلکو کې هېچا د ده ﵇ دې پوښتنې ته ځواب نه درلود. له هغې ورځې وروسته چا دا جرات نه کاوه، چې کومه پوښتنه ځينې وکړي.