په يروشلم کې د راتلونکو پېښو په اړه عيسی ﵇ اصحابو ته خبرې کوي

له دې وروسته عيسی ﵇ خپل نږدې اصحاب يو ګوښه ځای ته بوتلل او ورته ويې فرمايل: ګورئ! موږ اوس يروشلم ته روان يو. هلته به ټولې هغه وړاندوينې چې د مخکينيو پيغمبرانو په واسطه د بني آدمو د سردار په باره کې ليکل شوې دي، پوره او رښتيا شي. د بني آدمو سردار به د پرديو خلکو په لاس ورکړل شي. هغوی به ملنډې پرې ووهي، سپک چلند به ورسره وکړي او لاړې به پرې تو کړي. په متروکه به يې ووهي او مړ به يې کړي. بيا به په درېيمه ورځ بېرته راژوندی شي.

نږدې اصحاب د عيسی ﵇ په دې خبرو هېڅ پوه نه شول، ځکه چې د دې الفاظو مطلب ترې پټ کړل شوی و او له پوهې څخه يې لوړې وې.