د عيسی ﵇ د پيروۍ لومړی شرط
دوی پر لاره روان وو، چې يوه سړي عيسی ﵇ ته وويل: زه غواړم ستاسې پيروي وکړم. هر ځای چې ځئ، زه به هم درسره ولاړ شم.
عيسی ﵇ وفرمايل: ګيدړې د اوسېدو لپاره غارونه او مرغان ځالې لري، مګر زه د بني آدمو سردار پر ځمکه د سر د ايښودلو ځای هم نه لرم. که په دې حالت راضي يې، نو په ما پسې راځه!
بيا عيسی ﵇ يوه بل سړي ته وفرمايل: زما پيروي وکړه او په ما پسې راځه!
سړي وويل: ای ښاغليه، لومړی اجازه راکړئ، چې پلار جان مې خاورو ته وسپارم.
عيسی ﵇ وفرمايل: مړی به ښخ کړل شي. ته هغه پرېږده. اړينه دا ده چې ولاړ شې او د الهي سلطنت پيغام خلکو ته ورسوې!
په لاره کې يو بل سړي هم عيسی ﵇ ته وويل: ای ښاغليه! زه غواړم چې ستاسې پيروي وکړم، خو ما ته دومره وخت راکړئ، چې له کوره رخصت راواخلم.
عيسی ﵇ وفرمايل: څوک چې په يوې کولو لاس پورې کړي او بيا شا ته وګوري، نو د الهي سلطنت وړ نه دی.