عيسی ﵇ د خپل مقام په اړه له نږدې اصحابو څخه پوښتنه کوي

بيا عيسی ﵇ د قيصريې فيليپ سيمې ته تشريف يووړ. هلته يې له خپلو نږدې اصحابو څخه پوښتنه وکړه، چې خلک د بني آدمو د سردار په اړه څه وايي، چې زه څوک يم؟

دوی وويل: ځينې وايي چې تاسې يحيی ﵇ ياست. نور وايي چې الياس نبي ياست او يا له پخوانيو پيغمبرانو څخه يو پيغمبر ياست، چې بېرته راژوندی شوی ياست.

عيسی ﵇ پوښتنه ترې وکړه، چې تاسې پخپله زما په اړه څه واياست، چې زه څوک يم؟

صفوان وويل چې تاسې د ﷲ ﷻ له خوا وعده کړل شوی خاص استازی المسيح ياست!

عيسی ﵇ دوی ته وفرمايل: خبردار، اوس دا خبره هېچا ته ونه کړئ!

<< مخکې | وروسته >>

فهرست