د اوبو پر سر د عيسی ﵇ تګ
کله چې ماښام شو، نږدې اصحاب د جهيل غاړې ته ولاړل. د ماښام تياره خپره شوې وه، خو عيسی ﵇ لا نه و راغلی. نو ځکه دوی کښتۍ ته وروختل او د کَفرناحوم ښار خوا ته يې حرکت وکړ. لږه موده وروسته يو زورور باد راوالوت او د جهيل اوبه طوفاني شوې. کله چې د دوی کښتۍ درې څلور ميله له ځمکې څخه اوبو ته شوه، ګوري چې عيسی ﵇ د اوبو پر سر پر پښو راروان دی. دوی ډېر په وېره کې شول، خو عيسی ﵇ ورته وفرمايل: تاسې مه وېرېږئ! دا زه يم!
دوی په خوشحالۍ سره عيسی ﵇ کښتۍ ته راپورته کړ او په دغه لحظه کې کښتۍ منزل ته ورسېده.