د عيسی ﵇ په اړه د هيرود حاکم حيرانتيا
د عيسی ﵇ د کارونو خبر د ګليل حاکم هيرود انتيپاس ته ورسېد، ځکه چې د هغه ﵇ نوم په هر ځای کې مشهور شوی و. ځينو خلکو ويل: دا به يحيی ﵇ وي، چې له مرګه بېرته راژوندی شوی دی، نو ځکه دومره معجزې ښکاره کولای شي. نورو بيا ويل: دا الياس نبي دی. خو ځينو ويل: دا د پخوانيو پيغمبرانو په څېر يو پيغمبر دی.
هيرود چې دغه خبرې واورېدلې، له ځان سره يې وويل: ما خو د يحيی سر غوټ ځينې پرې کړی و او اوس بېرته راژوندی شوی دی!