عيسی ﵇ خپلو نږدې اصحابو ته د الهي سلطنت د اعلانولو دنده ورسپاري

عيسی ﵇ خپل دوولس نږدې اصحاب ځان ته راوغوښتل او هغوی ته يې صلاحيت او اختيار ورکړ چې له خلکو څخه پېريان لرې کړي او ناروغانو ته شفا ورکړي. بيا يې هغوی ولېږل چې د الهي سلطنت پيغام اعلان کړي او ناروغانو ته شفا ورکړي. دا يې هم ورته وفرمايل، چې په دې سفر کې هېڅ شی مه درسره وړئ. نه د لاس لکړه، نه کڅوړه، نه ډوډۍ، نه پيسې او نه اضافي کميس. په هر کور کې چې مو شپه شوه، تر هغه وخته پورې چې په هغه ځای کې ياست، هغه کور مه پرېږدئ. که د کوم ښار خلکو ستاسې هرکلی ونه کړ، نو له ښاره د وتلو په وخت کې تاسې د غندنې لپاره د خپلو څپليو دوړې ورته وڅنډئ، * چې د هغوی پر خلاف شاهدي وګرځي.

نږدې اصحاب هم ولاړل. کلي په کلي يې خلکو ته د الهي سلطنت د ظهور زېری رساوه او په هر ځای کې يې ناروغانو ته شفا ورکوله.

* دا د بني اسراييلو يو رواج و، چې کله به يې له کوم کلي سره اړيکې پرې کولې، نو له خپلو څپليو څخه به يې خاورې څنډلې. دا په دې معنی وو، چی حتی موږ ستاسې له کلي څخه خاورې هم نه وړو.