باد او اوبه عيسی ﵇ ته تابع دي

يوه ورځ عيسی ﵇ له خپلو نږدې اصحابو سره په يوه کښتۍ کې سپور شو او ويې فرمايل: ځئ چې د جهيل هغې بلې غاړې ته ولاړ شو.

دوی هم حرکت وکړ او د سفر په جريان کې عيسی ﵇ ويده شو. ناڅاپه يو طوفاني باد راوالوت. کښتۍ ته ډېرې اوبه ورواووښتلې او ډېر خطر و، چې کښتۍ ډوبه شي. نږدې اصحاب راغلل، عيسی ﵇ يې راويښ کړ او ورته ويې ويل: استاده! ای استاده! موږ غرق او هلاک کېږو!

دی ﵇ راپاڅېد، باد او څپو ته يې امر وکړ، چې آرامه شي.

طوفان هم سمدستي ودرېد او اوبه آرامې شوې. بيا عيسی ﵇ اصحابو ته وفرمايل: ستاسې پر ايمان څه وشول؟

اصحاب وهم او وېرې اخيستي وو او په حيرانتيا سره يې يو او بل ته ويل، چې آخر دی څوک دی، چې باد او اوبه يې هم امر ته تابع دي؟