د عيسی ﵇ حقيقي کورنۍ
عيسی ﵇ لا دغه ګڼ شمېر خلکو ته خپلې خبرې کولې، چې محترمه مور او وروڼه يې راورسېدل، دباندې ولاړ پاتې شول او غوښتل يې له عيسی ﵇ سره خبرې وکړي. يو چا عيسی ﵇ ته خبر راووړ، چې ستاسې مور او وروڼه دباندې ولاړ دي. غواړي له تاسې سره خبرې وکړي.
عيسی ﵇ ورته وفرمايل: زما مور او وروڼه څوک دي؟
بيا يې خپلو پيروانو ته په لاس اشاره وکړه او زياته يې کړه: دغه خلک ما ته د مور او وروڼو حيثيت لري. هر هغه څوک چې زما د عرش د پروردګار په اراده عمل کوي، هغه زما ورور، خور يا مور ده.