عيسی ﵇ د يوې کونډې مړ شوی زوی راژوندی کوي
په دا بله ورځ عيسی ﵇ له خپلو نږدې اصحابو او نورو ډېرو خلکو سره يو ځای د نين ښار ته روان شو. کله چې د ښار دروازې ته ورسېد، ګوري چې خلکو يوه جنازه راروانه کړې ده، چې د يوې کونډې يوازېنی زوی و. له دې ښځې سره د ښار ډېر خلک روان وو. کله چې مولا عيسی ﵇ هغه کونډه وليده، نو رحم يې پرې راغی او ورته ويې فرمايل: مه ژاړه!
بيا ورمخ ته شو. د جنازې پر کټ يې لاس کېښود او جنازه وړونکي ودرېدل. عيسی ﵇ مړي ته وفرمايل چې ای ځوانه! راپورته شه!
مړی هم راکېناست او په خبرو کولو يې پيل وکړ. عيسی ﵇ دغه ځوان خپلې مور ته وروسپاره.
ټول خلک وېرې واخيستل او د ﷲ ﷻ د لويۍ او ثنا په بيانولو يې شروع وکړه او ويل يې، چې زموږ تر منځ يو لوی پيغمبر ظهور کړی دی او خدای تعالی پر خپل منتخب قوم د مرستې او رحم نظر کړی دی!
د عيسی ﵇ د دغې معجزې خبر په ټوله يهوديه او په شاوخوا ټولو سيمو کې خپور شو.