د عيسی ﵇ اصول تر ټولو غوره اصول دي

ځينو خلکو له عيسی ﵇ څخه وپوښتل، چې د يحيی ﵇ پيروان او د افريسي فرقې پيروان په منظم ډول روژې نيسي او د روژې په وخت کې عبادت کوي، خو ولې ستا پيروان د دوی په څېر روژه نه نيسي، بلکې خوراک او څښاک کوي؟

عيسی ﵇ په ځواب کې وفرمايل: په واده کې چې زوم حاضر وي، آيا څوک کولای شي، چې د زوم ملګري مجبور کړي تر څو له خوړلو او څښلو څخه ډډه وکړي؟ خو داسې ورځ به راشي چې زوم به ځينې يووړل شي. نو په هغه وخت کې به دوی روژه نيسي.

بيا عيسی ﵇ يو مثال وړاندې کړ: که د چا زړې جامې څيرې شي، نو له نوو جامو ورته پيوند نه جوړوي. که داسې وکړي، نو هم به نوې جامې خرابې شي او هم به له زړو جامو سره نوی پيوند جوړ رانه شي. همدارنګه که د انګورو تازه اوبه په زاړه ژي کې واچوې، نو د وخت په تېرېدو سره به د انګورو اوبه ژی وپړسوي او د ډېر پاړسوب له امله به وچوي.

م به د انګورو اوبه توی شي او هم به ژی خراب شي. په دې خاطر د انګورو تازه اوبه نوي ژي ته اړتيا لري، مګر خلکو چې زړې اوبه څښلې دي، د نوو اوبو غوښتنه نه لري او وايي: زموږ زړې اوبه خوښې دي.