عيسی ﵇ متی لاوي خپلې پيروۍ ته دعوتوي
له دې پېښو وروسته عيسی ﵇ له هغه ځايه ولاړ. په لار کې يې يو محصول اخيستونکی وليد، چې متی لاوي نومېد او د خپل کار په ځای کې ناست و. عيسی ﵇ ورته وفرمايل: زما پيروي وکړه او په ما پسې راځه!
متی لاوي هم راپورته شو، هر څه يې همالته پرېښودل او په عيسی ﵇ پسې روان شو.
بيا متی لاوي په خپل کور کې د عيسی ﵇ لپاره يوه درنه مېلمستيا جوړه کړه. د مېلمستيا لپاره يې ډېر محصول اخيستونکي او نور خلک هم راوبلل. د دې په ليدو سره د افريسي فرقې پيروانو او د دوی د ډلې ديني عالمانو د عيسی ﵇ پر پيروانو اعتراض وکړ، چې تاسې ولې له فاسدو محصول اخيستونکو او نورو ګناهکارانو سره خوراک او څښاک کوئ؟
عيسی ﵇ وفرمايل: روغ کسان طبيب ته اړتيا نه لري، بلکې ناروغان اړتيا لري. همدارنګه زه هغو خلکو ته د سمې لارې د دعوت لپاره نه يم راغلی، څوک چې ځانونه له ګناهونو پاک بولي، بلکې هغو کسانو ته راغلی يم، چې ګناهکاران دي.