د الهي سلطنت د خپرېدو په اړه د عيسی ﵇ مثالونه
بيا عيسی ﵇ يو بل مثال راووړ او ويې فرمايل: الهي سلطنت داسې دی، لکه د شړشمو تخم چې يو سړی يې په خپله کرونده کې وکري. که څه هم دغه دانه له نورو دانو څخه کوچنۍ وي، خو کله چې راشنه شي، نو د نورو بوټو په پرتله له دې څخه جګ بوټي جوړ شي. بيا د هوا مرغان راځي او په ښاخونو کې يې ځالې کوي.
بيا عيسی ﵇ يو بل مثال راووړ او ويې فرمايل: د الهي سلطنت خپرېدل داسې دي، لکه يوه ښځه چې لږه خميره راواخلي، له درې غټو پيمانو اوړو سره يې ګډه کړي او ټول اوړه پرې خميره شي.