عيسی ﵇ يو سړی له پېريانو څخه خلاصوي
په عبادتخانه کې يو پېريانی سړی موجود و. هغه ناڅاپه په چيغو شو او ويې ويل: ای عيسی ناصرتي! پر موږ پېريانو کار مه لره! آيا په دې خاطر راغلی يې، چې موږ تباه او هلاک کړې؟ زه خبر يم چې ته څوک يې! ته د ﷲ له خوا هغه رالېږل شوی پاک ذات يې!
عيسی ﵇ په سختو الفاظو ورته وفرمايل: غلی شه او دا سړی پرېږده!
د دې امر په اورېدو سره پېري سړی د مېرګيو د حملې په شان ولړزاوه. په لوړ آواز يې چيغه کړه او خوشې يې کړ. حاضرو خلکو چې دا پېښه وليده، هک حيران شول او يو بل ته يې سره وويل، چې دا بيا څه ډول نوی درس او څه ډول قدرت دی، چې پېريان هم د ده حکم مني؟
د عيسی ﵇ شهرت ډېر ژر د ګليل سيمې په هر ځای کې خپور شو.