د عيسی ﵇ په اړه د اشعيا ﵇ د وړاندوينې رښتيا کېدل

عيسی ﵇ ناصرت ته ولاړ او له هغه ځايه کَفرناحوم ښار ته ولاړ، چې د نَفتالي او زبولون د ټبرونو په ځمکه کې د ګليل د جهيل پر غاړه پروت و. له دې سره هغه وړاندوينه رښتيا او پوره شوه، چې اشعيا نبي فرمايلي وو: «د زبولون او نَفتالي په ځمکه، د جهيل څنګ ته، د اُردن سيند پر هغه بله غاړه، په ګليل کې، چېرې چې غير بني اسراييل اوسېږي، هلته هغه خلک چې په تورتم کې وو، دوی يوه لويه رڼا ليدلې ده او د هغې سيمې اوسېدونکي، چېرې چې د مرګ سيوری غوړېدلی و، اوس نور او روښنايي پرې ځلېږي.»