د ﷲ ﷻ لخوا د عيسی ﵇ د درجې اعلانول

بيا عيسی ﵇ له ګليل څخه تشريف راووړ، تر څو په اُردن سيند کې د يحيی ﵇ په لاس سپېڅلې غوټه تر سره کړي، خو يحيی ﵇ په دې کوښښ کې شو، چې عيسی ﵇ له دې کاره راوګرځوي. ورته يې وفرمايل: زه خو بايد ستاسې په لاس سپېڅلې غوټه تر سره کړم، خو تاسې ما ته راغلي ياست. دا څنګه؟

عيسی ﵇ په ځواب کې وفرمايل: پرېږده چې دا کار وشي، ځکه موږ ته لازمه ده، چې د الهي ارادې د پوره کېدو په خاطر دا کار تر سره کړو.

يحيی ﵇ هم ورسره ومنله او سپېڅلې غوټه يې ورکړه.

عيسی ﵇ چې له اوبو څخه راپورته شو، ويې کتل، چې د ‌آسمان پرده خلاصېږي او د ﷲ ﷻ سپېڅلی روح د کوترې په شکل رانازلېږي. کوتره پر ده ﵇ باندې کېني. بيا د آسمان لخوا يو غږ راځي او فرمايي: دا زما ګران او خاص نازولی دی، چې زه ورڅخه راضي يم!