مريم ﵂ د خدای ﷻ حمد او ثنا ادا کوي

په دې وخت کې مريمې ﵂ وفرمايل: زما ټول وجود د ﷲ ﷻ عظمت بيانوي! زړه مې له خپل ژغورونکي خدای ﷻ څخه خوشحاله دی، ځکه چې خدای ﷻ د خپلې عاجزې بنده پر حال د فضل نظر کړی دی. له دې وروسته به ټول نسلونه ما نېکمرغه بولي، ځکه چې ستر ځواکمن زما لپاره ستر – ستر کارونه کړي دي. بې شکه چې پاکي ده ﷲ ﷻ لره! څوک چې له ﷲ ﷻ څخه وېره لري، خدای ﷻ نسل پر نسل پر هغوی باندې خپل رحمتونه نازلوي. د خپل قدرت په لاس يې لوی – لوی کارونه کړي دي. مغرور خلک يې خواره واره کړي دي. واکمنان يې له تخته غورځولي دي او خواران يې سرلوړي کړي دي. وږي يې په نعمتونو ماړه کړي دي او ماړه يې تش لاس رخصت کړي دي. پر خپل خدمتګار قوم اسراييل يې د مرستې نظر کړی دی او د دوی په وړاندې يې خپل رحمت نه دی هېر کړی، لکه څرنګه چې د ابدي رحمت دغه وعده يې زموږ له ستر بابا ابراهيم ﵇ او د هغه له نسل سره کړې وه.

له دې وروسته مريمې ﵂ تقريباً درې مياشتې له اليصابات سره تېرې کړې او بيا بېرته خپل کور ته ستنه شوه.