له اليصابات سره د مريمې ﵂ ليدنه

ډېر وخت نه و تېر شوی، چې مريم ﵂ په تېزۍ سره د زکريا ﵇ کور ته روانه شوه، چې د يهوديې په غرنۍ سيمه کې و. کور ته په ننوتو سره يې پر اليصابات سلام واچاوه. اليصابات چې سلام واورېد، نو په نس کې يې ماشوم وښورېد او پر هغې د ﷲ ﷻ سپېڅلی روح نازل شو. له دې امله يې په لوړ آواز مريمې ﵂ ته وويل: ته تر ټولو ښځو مبارکه يې او ستا په نس کې ماشوم هم مبارک دی! زه د دې لايقه نه يم، چې زما د مولا مور دې ما ته تشريف راوړي! وګوره، کله چې ستا سلام زما تر غوږو راورسېد، نو له خوشحالۍ څخه مې په نس کې ماشوم وښورېد. څه چې تا ته ﷲ ﷻ فرمايلي وو، په هغه دې باور وکړ. په همدې خاطر مبارکه يې.